Vətəndaşlıq almağın ən çətin olduğu ölkələrdə gözləmə müddətləri prosesi qeyri-mümkün edir. Bu gün müxtəlif ölkələrdə həyat qurmaq istəyən insanlar əksər hallarda vətəndaşlıq almağı hədəfləyirlər.
Hafta.az-ın yazdığına görə, lakin hər ölkə bu məsələdə eyni dərəcədə açıq deyil. Bəzi dövlətlər vətəndaşlıq üçün uzun gözləmə müddətləri, ciddi mədəni testlər və dini tələblər qoyur. Kiçik knyazlıqlardan qapalı cəmiyyətlərə qədər bir çox ölkələr vətəndaşlığın verilməsi prosesinə kifayət qədər sərt yanaşma tətbiq edirlər.
Vətəndaşlıq almağın çox çətin olduğu 10 ölkəni təqdim edirik:
Qətər
Qətərdə vətəndaşlıq almaq kifayət qədər çətin hesab olunur. Bunun üçün ölkədə ən azı 25 il fasiləsiz yaşamaq, ərəb dilini mükəmməl bilmək lazımdır. Prosesdə dini və mədəni harmoniya da mühüm rol oynayır.
Vatikan
Vatikan vətəndaşlığı yalnız çox məhdud sayda insana - kardinallara, diplomatik məmurlara və Katolik Kilsəsi adından rəsmi vəzifələri yerinə yetirənlərə verilir. Ümumi əcnəbi üçün Vatikan vətəndaşlığı demək olar ki, əlçatmaz status hesab olunur.
Lixtenşteyn
Avropada kiçik, lakin varlı bir knyazlıq olan Lixtenşteyn vətəndaşlıq üçün kifayət qədər uzun yaşayış tələbi qoyur. Ölkədə 30 il yaşamaq vacibdir. Bundan əlavə, proses sadəcə bürokratik prosedurlarla bitmir, şahzadənin və parlamentin razılığı olmadan vətəndaşlıq verilmir.
Butan
Himalay dağlarında qapalı krallıqlardan olan Butanda vətəndaşlıq məsələsində ciddi nəzarət var. Müraciət edənlərdən ölkədə ən azı 20 il yaşaması, butan dilini mükəmməl bilməsi, mədəni inteqrasiya nümayiş etdirməsi və yaxşı xarakterə malik olması tələb olunur. Bundan əlavə, hökumət ərizələri əsaslandırmadan rədd edə bilər.
Səudiyyə Ərəbistanı
Səudiyyə Ərəbistanında vətəndaşlıq almaq istəyən şəxs müsəlman olmalı, ərəb dilini mükəmməl bilməli və ən azı 10 il davamlı olaraq bu ölkədə yaşamalıdır. Ölkə dini və mədəni meyarlara riayət etmək məsələsində çox həssasdır.
Küveyt
Ölkədə 20 il yaşamaq Küveytdə vətəndaşlıq üçün əsas şərt hesab olunur. Ərəbcə danışmaq və müsəlman olmaq da prosesin ayrılmaz hissəsidir.
İsveçrə
İsveçrə vətəndaşlığını əldə etmək təkcə uzunmüddətli yaşayışdan deyil, həm də sosial inteqrasiyadan asılıdır. Ölkədə təxminən 10 il yaşamaq tələb olunur. Bundan əlavə, ərizənin verildiyi kantonda yerli xalqın və səlahiyyətlilərin razılığı olmadan proses tamamlana bilməz.
Çin
Əcnəbilərin Çin vətəndaşlığını almaq imkanları son dərəcə məhduddur. Çin əsilli əcnəbinin vətəndaşlıq alması demək olar ki, qeyri-mümkündür. Müraciətlərə yalnız qohumluq əlaqələri və ya çox xüsusi hallar olduqda baxılır.
Şimali Koreya
Şimali Koreya vətəndaşlığının alınması dünyada ən qapalı proseslərdən biri hesab olunur. Vətəndaşlıq almaqla bağlı müraciət üçün aydın və şəffaf sistem yoxdur. Əksər hallarda siyasi əlaqələr və ya xüsusi imtiyazlar olmadan vətəndaşlıq almaq mümkün deyil.
Yaponiya
Yaponiyada vətəndaşlıq prosesi həm uzun sürür, həm də ətraflı müayinələrdən keçir. Səlahiyyətlilər namizədlərin şəxsi həyatını və sosial inteqrasiyasını yaxından araşdırır. Onlardan başqa ölkənin vətəndaşlığından da imtina etmək tələb olunur. Müraciətlərin böyük hissəsi uğurlu olsa da, əslində proses çox çətindir.
